18.500 lagun igaro dira izotz gaineko irristatze pistatik Gabonetan

Gaur hasi dira pista bere lekutik kentzeko lanak aurrera eramaten eta horrekin batera, balorazioa egiteko unea iritsi da: 18.500 lagun igaro dira Zabaltza plazatik hilabete batean. Orokorrean, Gabonetako kanpainaren balorazio "positiboa" egin dute eragile guztiek.

admin

Bidasoa

2015/01/12

Izotz gaineko irristatze pista Zabaltza plazan

Gabonetako merkataritza kanpainaren barruan erabaki zuen Irungo Udalak izotz gaineko irristatze pista bat jartzea Zabaltza plazan. Hilabete igaro da geroztik eta denbora tarte horretan 18.500 lagun pasa direla izotz pistatik jakinarazi du tokiko gobernuak. Horietako askok gainera, patinatzearekin batera eskainitako promozioak baliatu dituzte, eta beraz, saltzaileak zein udala ere oso pozik agertu dira kanpainaren emaitzekin. Eguberritako Haur Parkearen antolatzaileak ere, jasotako 15.000 lagunen bisitei esker, inoiz izandako parkerik arrakastatsuena izan dela aurtengoa jakinarazi dute; Oiasso Erromatar Museoaren arduradunak ere balorazio positiboa egin dute, eta Irun Factoryn ere, marrazki bizidunak diseinatzeko ikastaroan lekuak agortu zirela adierazi dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.