400 bat dantzarik parte hartuko dute gaur deitutako 'flashmob'-ean
Gabonetako kanpainaren barruan Irungo dantza eskolek antolatutako hitzordua da; abenduaren 27an egin behar zuten hasieran baina eguraldi txarra medio, bertan behera gelditu zen. Bihar goizean bestalde, zenbait abesbatza ariko dira Irungo kaleetan zehar.
Pauso-K Dance Studio, Tatiana, Toxic, Ainhoa eta My Dance Studio dantza akademietako ikasleek flashmob bat egiteko hitzordua finkatu dute gaur arratsaldean. 400 bat lagunek parte hartzea aurreikusi dute. Hala, Alberto Angueran finkatu dute lehen hitzordua, 17:00etan; Luis Marianon 17:45ean; Pio XIIn 18:30ean; eta Fermin Calbetonen 19:15ean.
Bestalde, Atzokoak gizonen abesbatzak, eta Larreundi eta Bidasoa Aldekoa koru mistoak kaleak girotuko dituzte bihar goizean zehar. Atzokoak-ek San Migelen, Luis Marianon eta Pio XIIn ariko dira; Larreaundi Mendibilen, San Juanen eta Dunboan; eta Bidasoa Aldekoa Behobian.
