Kaskarotenea ikastolaren alde, Haurtzarotik autobusa larunbatean
Ziburun manifestazioa egingo dute larunbatean, 16:00etan hasita, bertan ikastola bat behar dela aldarrikatzeko. Oiartzungo autobusa 15:00etan aterako da herritik. Txartelak Haurtzaro Ikastolako idazkaritzan erosi behar dira. http://youtu.be/sfe_D_0bwyY
Ziburuko Kaskarotenea ikastolaren aldeko manifestazioa egingo dute larunbatean, bertako Pilota plazatik abiatuta, 16:00etan. Haurtzaro ikastolak hara joateko autobusa antolatu du, eta bertarako txartelak idazkaritzan eros daitezke: ikasleen txartelak 2 euroko prezioa du, helduenak 5 eurokoa. 15:00etan abiatuko da ikastolako aparkalekutik. Ikastola bat nahi dugu Ziburun! da manifestazioaren leloa.
Ikastolak hamahiru ikasle ditu. Eta bertako auzapezak erabaki du egoitza uztaraztea Seaskaren barruan dagoen ikastolako kideei, besteak beste, eta presio neurri gisa, argindarra kenduz. 2012an sinatu zuten Seaskak eta bertako udalak akordioa eraikinaren erabilerarako, eta uztailaren 5ean amaitu zen; bertako udalak ez du berritu nahi izan akordioa.
