Haurren Judo Jaialdian 400 haurrek parte hartuko dute
Igande honetarako, hilak 1, Haurren Judo Jaialdia antolatu du Sayoa judo elkarteak. Oarsoaldeko ikastetxetako haurrak izango dira parte hartuko dutenak, 4-10 urtekoak, eta antolatzaileek 400 biltzea espero dute. Galtzarabordako kiroldegian izango da, 10:00etatik aurrera.
Jaialdia kirol proba izateaz gain, alderdi ludikoa ere izango du. Hasieran, berotzeko joko batzuk egingo dituzte, eta gero, randoris batzuk egingo dituzte. Alegia, borroka simulazio bat egingo dute, baina lehiarik gabe. Guztira, zortzi guneetan banatuko dute jaialdia.
Probak bukatzean kirolari guztiak igoko dira podiumera, eta domina eta diploma bana emango zaie.
