Ekainaren 13an zozkatuko dituzte bigarren eskuko etxe babestuak
Ekainaren 13an bigarren eskuko babes ofizialeko zortzi etxebizitza zozkatuko ditu udalak Kultur Etxean, 09:30ean. Urtarrilean ireki zuten izena emateko epea eta hilaren 25a arte aukera egon da eskakizunak BAZ bulegora eramateko. Orotara, zortzi etxebizitza zozkatuko dituzte, bost Komentuaurren, bi Muliaten eta beste bat Amuten.
Ekainaren 13an bigarren eskuko babes ofizialeko zortzi etxebizitza zozkatuko ditu udalak Kultur Etxean, 09:30ean. Urtarrilean ireki zuten izena emateko epea eta hilaren 25a arte aukera egon da eskakizunak BAZ bulegora eramateko. Aitor Kerejeta alkateak esan duenez, 78 pertsona edo familiak eman dute izena.
Orotara, zortzi etxebizitza zozkatuko dituzte, bost Komentuaurren, bi Muliaten eta beste bat Amuten: “Etxebizitzetako batek 3 gela ditu, beste seik 2 gela eta azken baten gela bakarra; denek garajea eta trastelekua dute. Hiru zozketa egingo dira; lehenik 3 gelako etxebizitza zozketatu da 5, 4 eta 3ko unitateen artean. Ondoren, 2 geletako etxeak zozketatuko dira 3 eta 2ko unitateen artean. Eta azkenik, gela bakarreko etxebizitza zozketatuko da 2 eta 1eko unitate edo familien artean”, gehitu du alkateak.
Zozketan parte hartuko dutenek ostegun goizean jakingo dute zozketarako zein zenbaki izango duten. Udaletxeko iragarki taulan eta hondarribia.org webgunean jakinaraziko zaie.
