Biteri kaleko proiektua udal taldeekin adostutakoa dela esan du EH Bilduk

EAJk egindako irakurketari erantzun dio EH Bilduk Biteri kalean egiten ari diren obren gainean, eta gezurretan ari dela esan du: "Gai honen inguruko lehen aipamena hirigintza batzordean egin zitzaien, duela ia bi urte 2012 irailaren 11n. Batzorde horretan zeuden ordezkari politikoetako batek ere ez zuen ezer adierazi".

admin

Bidasoa

2014/05/20

Biteri kalea obretan

EAJk egindako irakurketari erantzun dio EH Bilduk Biteri kalean egiten ari diren obren gainean, eta gezurretan ari dela esan du: “Gai honen inguruko lehen aipamena hirigintza batzordean egin zitzaien, duela ia bi urte 2012 irailaren 11n. Batzorde horretan zeuden ordezkari politikoetako batek ere ez zuen ezer adierazi”. Hortik aurrera, EH Bilduren arabera, gai hori hirigintza batzorde batean eta bi trafiko batzordea landu dute, eta beste udal taldeek ez dute “ezer esan”. Gezurra dela ere esan du Errenkoalderekin ez dutela hitz egin: “Are gehiago, alkateak eta Hirigintzako zinegotziak bilera batera deitu zituzten Biteri kaleko merkatari eta ostalari guztiak, 2014ko martxoaren 18an”. Bertan, 30 merkatarik parte hartu zutela gaineratu du, eta gehienak “begi onez” hartu zutela proiektua Horrez gain, trafiko azterketak egin direla adierazi du, eta trafiko teknikariak bi txosten egin dituela, eta apirilaren 11ko trafiko batzordean aurkeztu zitzaiela beste udal taldeei. Aparkalekuekin ere gauza bera egin duela berretsi du, eta onartu du aparkaleku batzuk galduko dira, “baina udalaren jabatzeko aparkalekuak alokatzeko politika sozialaren bidez, 35 leku libratuko dira”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.