Oarsoaldean, Bakailaoaren Hamabostaldia 12tik 25era

admin

Bidasoa

2014/05/10

Bakailaoaren Hamabostaldia egingo dute Oarsoaldeko lau udalerrietan hilaren 12tik 25era. Bakailaoa tradizio handikoa da eskualdean, Pasaian batik bat, arrain hori jan eta sukaldatzea ezezik, bertakoek historiko arrantzatu egin dutelako. Euskal Herriko gunerik garrantzitsuenetarikoa izan zen Pasaia eta ingurua bakailaoaren arrantzan, transformazioan eta salmentan. Informazio guztia Oarsoaldea Garapen Agentziaren Turismo Sailaren webgunean aurki daiteke. Horregatik hamabostaldia, Oarsoaldea Garapen Agentzia antolatzaileak adierazi duenez. Horrela, egun horietan, eskualdeko hamar jatetxek menu bereziak emango dituzte bakailaoa ardatz, 15 eta 37 euro artekoak. Honakoak dira jatetxe horiek:

Errenteria-Oreretan, Gaztelu, Zuketz, San Marko gotorlekuko jatetxea eta Egi Luze sagardotegia.
Pasaian (Donibanekoak dira denak), Casa Camara, Nicolasa,Txulotxo eta Ziaboga.
Lezon, Kaialden eta Etxeberrin.

Menuez gain, hainbat jarduera osagarri egingo dituzte. Pasaian, esaterako, tailer gastronomikoak egingo dituzte Donibaneko Ziaboga jatetxean hilaren 12, 13, 14, 19 eta 21ean. Bestetik, Pasaian ere, Pasaia marinela izeneko bisita gidatuak egin ahalko dira (Mater arrantza ontzira bisita eta bakailao dastaketa barne) hilaren 13, 15, 17, 18, 20, 22, 24 eta 25ean. Eta azkenik, Albaolak %10eko deskontua egingo die bere museoaren bisitan, aurretik hamabostaldiaren barruan egitasmoaren barruan dauden jatetxeren batean jan badute. Lezon, hirigune historikoa eta bertako monumentuak ezagutzeko bisita gidatuak egingo dituzte, doan, hilaren 16an eta 23an. Eta Errenteria-Oreretan, hilaren 14, 16, 21 eta 23an bisita gidatuak egingo dituzte ere San Markoko gotorlekura, eta hilaren 15 eta 22an Manchester Txikia lelopekoak egingo dituzte.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.