Elkarteetako boluntarioek urte guztian zehar egiten dute lana eskertu, txalotu eta aitortzeko festa antolatu dute gaur Pasaian. Trintxerpen da festa eta haurrentzako jarduerak izango dira nagusi, adinaren arabera ezberdinduko dituzten hiru guneetan antolatuta. Serafin Esnaola plazan, 8 eta 10 urte bitarteko haurrak bildu dituzte, Ekaitza, Boveda, Fama eta Txassis taldeen eskutik jolasak eta dantza tailerra egiteko. 20:00etan amaierako festa egingo dute bertan, eta tailerrean ikasitako dantza Lipdub moduan dantzatuko dute.
Gudarien Enparantzan, aldiz, txikienak izan dira, 5 eta 7 urte arteko haurrak. Han, Trintxer Hockey KEk eta Donibane KJKEk hockey-a aldeen laguntzaz stick edo makilak egiten aritu dira haurrak eta triala ere egiteko aukera izan dute bizikleta eraman dutenek. Azkenik, portuan antolatu dute gunean, arraunean eta piraguan aritu dira 11 eta 12 urte artekoek, Itsas Gela, Pasai Donibane Koxtape, Illunbe eta Sanpedrotarra arraun elkarteek lagunduta.
