Uda Abenturan izena eman daiteke
Gazteria Sailak uztailerako antolatzen duen Uda Abentura programan parte hartzeko izena emateko epea ireki dute gaur eta larunbatera arte izango da irekita. 2000, 2001 eta 2002 urteetan jaiotakoei zuzentzen zaie eta euskara hutsean da. Bi txandatan egingo da Uda Abentura, uztailaren 1etik 14ra eta 16tik 30era, goiz eta arratsaldez. Txanda bakoitzean 40 haur izango dira.
Izena eman nahi dutenek Gazte Informazio Bulegoan egin behar dute, ohiko ordutegian: astelehenetik ostiralera 16:30etatik 19:30era eta larunbatetan 10:00etatik 13:00etara. Internetez izena emateko ere aukera dago, hondarribia.org webgunean.
