Duintasunak, aldarrikapenez bete ditu kaleak berriz ere

admin

Bidasoa

2014/04/07

Duintasunaren elkarretaratzea eta manifestazioa

Duintasuna Gipuzkoako Jubilatu eta Pentsionisten elkarteak deituta, hamarnaka lagun atera dira kalera beste astebetez, kopagoa, pentsioen murrizketa, eta lan baldintza ezegonkorrak salatzeko, besteak beste. Hogei minutuko elkarretaratzea egin dute lehenik herriko plazan gaurko protestarekin bat egin duten 250 lagunek. Gehienak pentsionistak ziren, baina gazteak ere izan dira tartean. Gipuzkoan egiten ari direnaren berri eman dute Duintasuneko kideek lehenik, eta agiria irakurri dute ondoren. Kopagoaren bidez, gaixotasun kronikoak dituzten pertsonak zigortzen ari direla salatu dute bertan eta baita botikak erostearkoan ordaindutakoa berreskuratzeko eskaera egin behar izatea. Osasun politika justua bermatu eta aberastasuna banatzera deitu dituzte politikoak elkarrateratzean. Manifestazioa egin dute ondoren bildutako lagunek txilibitu doinu, kopagoaren kontrako oihuen artean. “Terrorismoa, hilabete amaierara ez heltzea” dela ere oihukatu dute. Geldialdia egin dute Iztietako anbulatorioan eta Kutxabanken bulegoaren aurrean. Azken horretan, idatzia eman diote Duintasunako bi kidek zuzendariari etxe kaleratzeekin amaitu eta Kutxabank ez pribatizatzeko. Herriko enparantzara joan dira ondoren manifestazioa amaitu eta hurrengo hitzorduen berri emateko. Lehena, etzi asteazkena izango dute goizeko zortzi eta erdietan Iztietako anbulatorioaren aurrean. Hurrengoa maiatzeko lehen astelehenean ohi bezala herriko plazan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.