Fanderiako presa eraikitzeko adostasuna zegoela berretsi du PSE-EEk
Eguzkik Fanderiako presaren gainean egindako adierazpenei erantzun die PSE-EEk, eta presa eraikitzearen gainean adostasunik ez dela egon gezurra dela esan du.
Udal talde guztiek begi onez ikusten zutela adierazi du, proiektua Gipuzkoako Foru Aldundiko teknikariek idatzi zutela, Papresak hitzarmen bat sinatu zuela obraren zati bat bere kargu eginez, aldundiak berak presa eraikitzeko diru laguntzak eman zituela eta Ura agentziak ez zuela hura eraikitzeko arazorik ikusi, aurkeztutako alegazio guztiak aztertuta: “Horietan guztietan aurretik biodibertsitatea eta bere ondorioak aztertu zituzten, baita Oiartzun ibaiaren ibilguan egon zitezkeen diru kopuru handiko kalteak ere, udaleko teknikariek eurek eginda”.
Horri guztiari “adostasuna” esaten zaiola esan du PSE-EEk, eta ez duela informaziorik ezkutatu: “Beste batzuek, berriz, euren interesak lehenetsi dituzte erakundeei presio eginez auzi honetan kaltetuta ez ateratzeko”.
