Baratze kolektiboa osatu nahi dute Irrien Lagunek
Arramendiko baratze parkean baratze bat lortu du Irrien Lagunek taldeak, eta hori guraso eta umeekin batera joan nahi dute barazkiz betetzen.
Interesa duten familiek ostiral honetara arte, hilak 28, eman ahal izango dute izena honako helbidean: oarsoirriak[abildua]gmail.com.Kontu horren gainean hitz egiteko bileretarako deialdia ere egin du taldeak, apirilaren 4rako (ostirala). 18:30ean izango da Xenpelar Etxean. Bertan, baratze proiektuaren gaineko informazioa emango dute.
Ekinbide horrekin familian ekintzak egitea eta naturarekin harremana izatea sustatu nahi dutela aurreratu dute Irrien Lagunek. Hala ere, bertan parte hatzeko asmoa duten familiei konpromisoa eskatu diete, baratzea zaindu eta laborantza lanetan parte hartzeko. Antolakuntza bat ere proposatu dute: astez aste aldatzen joatea, eta bakoitzean hainbat familia baratzeaz arduratzea. “Horrela, izena emandakoen kopuruaren arabera, aste berean aritzen diren familietako bakoitza gehiagotan edo gutxiagotan joan beharko da baratzea zaintzera”, zehaztu dute.
