EH Bilduk jai parekideen atala berdintasun planetik kendu izana salatu du
Ama Xantalengo ermitan, orain dela hemezortzi urte Irungo alardean lehendabizikoz irten ziren emakumeen elkargune eta irteera gunea izandakoan eman du gaur goizean EH Bilduk prentsaurrekoa, hain zuzen ere, alardearen gaiarekin udalak duen jarrera salatzeko. III. berdintasun planak eragin du oraingoan hika mika. Jai parekideen programa berdintasun planetik kentzea erabaki du udalak, eta horren ordez, alardearen gaineko testu bat txertatu, PPren eta PNVren babesarekin. EH Bildurentzat, ordea, testu hori, ez da inolaz ere nahikoa, eta udalaren jarrera kritikatu dute, “gardentasun ezarengatik”, eta “parte hartzea beren erabaki eta interes politikoen alde erabiltzeagatik”.
Prentsaurrekoan Irungo zinegotzi Oinatz Mitxelenak, Gipuzkoako batzarkide Idoia Ormazabalek eta Lur Etxeberria legebiltzarkideak hitz egin dute. Bertan izan dira baita ere Xabier Isasi legebiltzarkidea eta Silvestre Balerdi. Oinatz Mitxelenak aldarrikatu duenez “berdintasun plana, berdintasun plan on bat izateko jai parekideen programa bere barruan eduki behar du”.
Lur Etxeberriak salatu duenez, “gatazka honen konponbidean ardura berezia dute erakunde publikoek”, eta horregatik gogor gaitzetsi du udalaren jarrera: “Irungo udalak bazterketa egoera normalizatzeko hautua egin nahi duela dirudi, konponbidean agente aktibo izan baino, nahiago duelako dagoenean mantendu”. Etxeberriaren arabera, “alarde sexista” babestuz eta aitortuz bazterketa egoerari zilegitasuna ematen dio Irungo Udalak eta “hau ez da onargarria”, gaineratu du.
Emakundek gertatutakoaren berri baduela jakinarazi du Etxeberriak, eta Emakunderen txostenaren zain daudela esan du, Emakundek txosten horretan zer jasoko.
Azkenik, Idoia Ormazabalek, Irungo Udalak PSE-EEk batzar nagusietan hartutako bide beretik doala salatu du, eta “lotsagarritzat eta iraingarritzat” jo
du Udalaren haututa. Zentzu horretan, konpromisoa hartu du batzar nagusietan gainontzeko taldeekin gaiaren harira bildu eta bide horretatik ez jarraitzeko eskatzeko.
du Udalaren haututa. Zentzu horretan, konpromisoa hartu du batzar nagusietan gainontzeko taldeekin gaiaren harira bildu eta bide horretatik ez jarraitzeko eskatzeko. 
