Xanistebanetako kartel lehiaketan parte har daiteke dagoeneko
Xanistebanak iragartzen dituen kartela aurkezteko epea irekita dago dagoeneko, maiatzaren 23a da azken eguna (13:00ak baino lehen, udaletxean).
Bost saridun izango dira aurten ere: kartel irabazlea, oiartzuar onena, bi akzesit eta Margosoro Pintura Akademiako beka. Epaimahai kideak pintura arloko herriko adituak eta Jai Batzordeko kideak izango dira.
Lanak 70×50 zentimetroko neurrian aurkeztu behar dira eta teknika librea bada ere beharrezkoa da kartelean xanistebanak 2014 jartzea. Inprimatzeko erraza izatea baloratuko dute. Gutunazal itxian aurkeztu behar dira kartelak, datu pertsonalekin batera: izen-abizenak, helbidea, telefonoa eta langabetu direnek, frogagiria ere bai.
