Pasaiako VII. mendi lasterketa, apirilaren 12an
Klub Atletiko Trintxerpek urtero antolatzen duen mendi lasterketa apirilaren 12an korrituko da aurten. Antolatzaileek jakinarazi dutenez, interesdunek has daitezke izena ematen, www.herrikrossa.com webgunearen bidez, edota Donostian, Laister Kirolak eta u51 kirol dendetan. Izena aldez aurretik emanez gero, 10 euro ordaindu behar dira eta egun berean ematekotan, 13 euro. Euro bana Trintxerpeko Urtezaharreko sutean kaltetutakoei bideratuko dutela jakinarazi du KATek, eta partaideen kopurua 100 lagunen muga gaindutako balu 2na euro emango dituztela iragarri dute. Gauza bera egingo dute KTek urtero antolatzen dituen beste bi lasterketetan. Hurrengoa Karmengo jaietan izango da, uztailaren 13an antolatuko duten herri krosa, eta azkena irailaren 20koa, Farolara Igoera. Apirilaren 12an korrituko duten mendi lasterketak 13 kilometro ditu eta ibilbidea San Pedrotik abiatu eta Mendiolatik eta Uliatik baran joaten da, berriro ere San Pedrora itzultzeko.
Korrikalariak, mendi lasterketetarako prest
