Pasaiako udalak indarkeria matxistak eragindako azken hilketa gaitzetsi du
Indarkeria matxistak eragindako azken hilketa salatzeko talde feministek deitutako mobilizazioekin bat egingo dutela iragarri dute Oarsoaldeako berdintasun arloek, tartean Pasaiako udalarena. Hori dela eta, bihar, Oreretako mugimendu feministak Niessengo merkataritza gunean 19:30ean egingo duen elkarretaratzearekin bat egiteko deia luzatu dute.
Mungian 35 urteko emakume bat hil zuen atzo bere bikotekide ohiak, itota. Berdintasun arloetako arduradunek “gure gizartean horrelakoak ezin direla gertatu” esan dute, eta “horien kontrako borrokan” beren “konpromiso tinkoa” berretsi dute. Era berean, maila bereko konpromisoa eskatu diete gainerako erakundeei eta herritarrei, “guztion konpromisoa ezinbestekoa” delako, “gaitz hau desagertarazteko”. Azkenik, elkartasuna helarazi diote emakumearen familiari.
