Traineruen estropada, larunbatean, San Pedron
Sanpedrotarra Arraun klubak antolatuta traineruen estropada izango da larunbatean San Pedron. 17:00etan hasiko da erlojupeko estropada eta traineruak lau luze eta hiru ziaboga osatu beharko dituzte. Ontziak minutu bateko aldearekin irtengo dira. Guztira 32 ontzik parte hartuko dute estropadan. Beteranoak, eta emakume eta gizon seniorrak lehiatuko dira. Aurten TKE ligan parte hartuko dute zazpi ontzi gertutik ikustekoa aukera izango da San Pedroko estropadan: Zierbana, San Juan, Portugalete, Hondarribia, Orio, Urdaibai eta San Pedro izango dira lehian.
Elkartasuna
Estropada bitartean Trintxerpeko Urtezaharreko sutean kaltetutako familientzako dirua biltzeko mahaiak jarriko dituztela jakinarazi du klubak. Era berean, estropadan parte hartuko duten klubek diru ekarpenak egingo dituztela jakinarazi dute. Azkenik elkartasuna adierazi nahi duen orok 2095 0611 05 1064186140 kontu zenbakiak dirua eman dezakeela gogorarazi dute.
