Hondarribia-Marlaxka Xake Klubak eta Kasino Zaharrak 60 urtetik gorakoentzako xakearen hastapenei buruzko bigarren ikastaroa antolatu dute. Bazkideek eta Marlaxkako kideek ez dute ezer ordaindu beharko, gainontzekoek 10 euro baino ez. Kasino Zaharrean egingo dute, hurrengo hamar asteazkenetan.

Kasino Zaharreko tailatupean egingo dute
Hondarribia-Marlaxka Xake Klubak 60 urtetik gorakoentzako xakearen hastapenei buruzko bigarren ikastaroa antolatu du Kasino Zaharrarekin batera. Ikastaroan gehienez 20 pertsonek eman dezakete izena. Kasino Zaharreko bazkideek eta Marlaxkako kideek ez dute ezer ordaindu beharko, gainontzekoek 10 euro baino ez.
Goio Uriarte Marlaxkako presidenteak azaldu duenez, “klubaren helburuetako bat xakea zabaltzea da eta beti adineko jendea taldean izan dugun arren, promozio lanak bereziki gazteei zuzendu zaie. Ondorengo ikastaroarekin herriko adinekoei gure kirola ezagutzeko aukera eman nahi diegu, dibertigarria ez ezik, bestelako onurak dituelako”.
Asteazkenean hasiko da ikastaroa, hilaren 19ean, eta hamar astetan burutuko da, asteazkenero ordubeteko saioak egingo dituztelarik, 17:30etik 18:30era. Jesus Mari Jauregi Etxebeste izango da ikastaroko irakaslea; Ohorezko Mailako ligan jokatzen du eta Marlaxkako sortzaileetako bat eta egungo Ohorezko Presidentea da.
Izena emateko eta informazio gehiago lortzeko
idatzi Marlaxkaren posta elektronikora.