Fiskaltzak zigor eskaera murriztu die Herriko Tabernen auzipetuei
Rufi Etxeberriarentzat lau urte eta sei hilabeteko zigorra eskatu du, eta Idoia Arbelaitzentzat bi urte eta bi hilabetekoa.
Bederatzi auzipeturi karguak kendu, eta zigor eskaerak jaitsi dizkie gainontzekoei Fiskaltzak, Herriko Tabernak bezala ezagutzen den auzian. Bertan, bi eskualdeko ordezkari daude auzipetuta: Rufi Etxeberria oiartzuarra eta Idoia Arbelaitz oreretarra.
Etxeberriarentzat lau urte eta sei hilabeteko espetxe zigorra eskatu du, Joseba Permach, Karmelo Landa, Joseba Alvarez, eta Juan Kruz Aldasororekin batera. Etxeberria eta Permachentzat aurretik hamabi urteko espetxe zigorra eskatu zuen.
Arbelaitz eta beste 11 lagunentzat, berriz, bi urte eta bi hilabeteko espetxe zigorra eskatu du. Lehenengo eskaera, horien kasuan, zortzi urtekoa zen. Horiei ETArekin kolaboratzea leporatzen die.
Guztien absoluzioa eta eskatu du, berriz, defentsak.
36 euskal herritarren eta 110 herriko tabernen kontrako epaiketa egiten ari dira Espainiako Auzitegi Nazionalean. Iazko urriaren 17an ekin zioten epaiketari.
