Hilabete osora hedatuko dira martxoak 8ari lotutako ekitaldiak, Errenteria-Oreretan

admin

Bidasoa

2014/02/28

Hainbat ekitaldi antolatu dituzte martxoaren 8ko Emakumearen Egunaren harira, herriko talde feminista, emakume talde, Berdintasun Kontseilu eta udalak elkarlanean, eta egun horretatik aparte, hilabete osora hedatu dituzte. Martxoaren 8an Oarsoaldeko mugimendu feministak manifestaziora deitu ditu herritarrak. 13:00etan bilduko dira, Zumardian. Ondoren, barrikotea izango da, Zumardian, Ematxotx emakumeen taldeak antolatuta. Aurretik, berriz, 12:00etan, Mariasun Landa sariak banatuko dituzte, Niessen kulturgunean. Horrez gain, EMKEren bandak kontzertua emango du, eta lehen aldiz emakume bat zuzenduko du: Margarita Lorenzo de Reizabalek. Horrez gain, emakumeen zine emanaldia antolatu du Amalatzek, eta lau pelikula emango dituzte. Horrez gain, jaialdiak , erakusketak eta bestelakoak izango dira. [box]

Egitaraua

Martxoak 7

17:00: Jaialdia, Galtzarabordako kiroldegian, auzoetako emakume taldeek antolatuta: erdialdea (euskal dantzak), Beraun (Mambo Loco), Olibet (Amigas), Kaputxinoak (Chicas de película), hainbat elkarteren artean (zumba), Gabierrota (La fuerza del color, la fuerza de las mujeres), Pontikas (Novios por Internet), erdialea (Kalinka), Kaputxinoak (hip-hop), guztiak (emakumeei omenaldia).

Martxoak 8

12:00: Mariasun Landa sarien banaketa eta EMKEren bandaren kontzertua, Niessen kulturgunean.
13:00: Manifestazioa, Zumardian, Oarsoaldeko mugimendu feministak antolatuta.
14:30: Barrikotea, Zumardian, Ematxotx emakume taldearen eskutik.

Martxoak 9

15:00: Emakume arabiarren erakustaldia, Merkatuzaren. Antolatzaileak: Urratsa eta Garaipen elkarteak.

Martxoak 13

18:00: Planes para mañana filma, Niessen aretoan, Amalatz talde feministak antolatua. Sarrera: 2 euro.

Martxoak 20

18:00: 4 meses, 3 semanas y 2 días, Niessen aretoan, Amalatz talde feministaren eskutik. Sarrera: 2 euro.

Martxoak 26

18:00: Amaren eskuak, Niessen aretoan, Amalatz talde feministak antolatuta. Sarrera: 2 euro.

Apirilak 3

18: 00: El viaje de Bettie, Niessen aretoan, Amalatz talde feministaren eskutik. Sarrera: 2 euro.

Martxoak 5-22

17:30-20:30: Musika, emakumeen bitartez erakusketa, Xenpelar Etxean. EHUko irakasleek egina.

[/box]

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.