Etxetik kaleratzeko arriskuan dagoen Jose Angel Serranok herritarren berotasuna jaso du
http://www.youtube.com/watch?v=poxaWNxsBys&feature=youtu.be Hamarnaka lagun elkartu dira gaur, Biteri kalean dagoen Santander bankuaren bulegoaren parean, Jose Angel Serranoren egoera salatzeko. Era berean, martxoaren 6rako espero den enkantea geratzeko eskatu diote Santander bankuari. Bertan, Serranoren etxebizitza aterako dute enkantera.
Hamarnaka lagun elkartu dira gaur, Biteri kalean dagoen Santander bankuaren bulegoaren parean, Jose Angel Serranoren egoera salatzeko. Era berean, martxoaren 6rako espero den enkantea geratzeko eskatu diote Santander bankuari. Bertan, Serranoren etxebizitza aterako dute enkantera.
Stop Kaleratzeak taldeko bi kidek hartu dute hitza, Serranoren egoeraren berri emateko. Hala, 2005ean Santander bankuaren iruzur baten biktima izan zela adierazi dute, eta Gipuzkoako epaitegiak berretsi zuela.
Ordutik, ordea, Santanderrek zor hori bueltatzeko mailegu bat sinatzera behartu zituztela gaineratu du, eta 2012ko urtarrilera arte ordaintzen joan zirela, hipotekarekin batera. Serranok, ordea, ezin zion aurre egin langabezian geratu zelako. Horren ondorioa da martxoaren 6ko enkantea.
Epaiketa, enkantearen ondoren
Serranok Santander bankuaren kontrako beste bide bat ireki du, iruzurraren kalte ordaina erreklamatzeko. Irabazteko aukerak badituela jakinarazi zuen aste honetako plenoan, baina martxoaren 12an da, enkantearen ondoren.
Zentzu horretan, aurretik, Santanderri enkantea eta mailegu betearazpena bertan beheraz uzteko eskatu diete gaurko elkarretaratzean, eta epaileei, berriz, prozeduren ondorioak neur ditzatela, “kaltetuak diren familiak gero eta gehiago itotzen baitituzte”.
Horrez gain, Errenteriako Udalari eskerrak eman dizkiote, Stop Kaleratzeak taldeak aurkeztutako mozioa aho batez babestegatik.
Serranok berak ere hitza hartu du, eta eskerrak eman dizkie parte hartu duten guztiei.
Manifestazioa, Herriko Plazara
Elkarretaratzea manifestazioan bihurtu dute, eta udaletxe aurreraino joan dira. Biteri kaleko banketxeen aurrean geldialdiak egin dituzte Banketxeak, lapurrak oihuak botaz.
Jose Angel Serranok (erdian) herritarren berotasuna jaso du etxetik kaleratzeko arriskuan baitago.
