Baratze ekologikoa sortzeko ikastaroa egingo dute Endanean
Jaitzubiko Endanea Garden lore saltokiak baratze ekologikoa sortzen ikasteko ikastaroa antolatu du ostiral arratsalderako (hilak 21). Material eta produktu ekologikoak erabiliz etxean baratzea prestatzen irakatsiko dute. 16:00etatik 18:00etara egingo dute eta denentzat irekia da. Endaneako txartela dutenek ez dute ezer ordaindu beharko, gainontzekoek 5 euro. Gehiago jakin nahi duenak 943 64 17 10 telefono zenbakira dei dezake.