Oarsoaldeko eta Bidasoko parte hartze prozesuak azalduko dituzte
Gipuzkoako Foru Aldundiak Herritarrekin liburua aurkezten hasiko da, eta Oarsoaldeko eta Bidasoko aurkezpena Errenteria-Oreretan egingo du, astelehenean. Bertan, Errenteria-Orereta, Lezo, Oiartzun, Pasaia, Hondarribia eta Irungo parte hartze esperientzien berri emango dute.
Herritarrekin Gipuzkoako parte hartze prozesuekin osatutako liburua prest du aldundiak, eta orain, eskualdez eskualde aurkezten joango da. Oarsoaldea eta Bidasoarekin hasiko da, eta bi eskualdeei dagokion aurkezpena astelehenean egingo dute Errenteria-Oreretan, 18:00etan, Xenpelar Etxean.
Aurkezpen horretan Errenteria-Orereta, Lezo, Oiartzun, Pasaia, Hondarribia eta Irungo esperientziak azalduko dituzte.
Hain zuzen, prozesuetan parte hartu duten, udal ordezkari, teknikari eta herritarrekin batera, Arantza Ruiz Larrinaga aldundiko Herri Partaidetzako zuzendariak eta Imanol Azkue liburuaren egileak parte hartuko dute.
