Intxaurrondon berdindu eta gero 2. Mailako lidergoa sendotu du Ferreres Anaiak taldeak
Areto futboleko Lurraldeko Bigarren Mailako lider bezala bukatuko du lehen itzulia Pescados Ferreres Anaiak taldeak, hamabigarren jardunaldian Intxaurrondoko Internacional Bren aurka berdindu eta gero (3-3). Partidarik galdu gabe jarraitzen dute sanjuandarrek eta hurrengo jardunaldian galduta eta bigarren postuan dagoen Denak Taberna taldeak irabazita ere, puntutan berdinduko lukete biek —32 puntu ditu Pescados Ferreresek eta 29 Denakek—, baina sartutako eta jasotako golen arteko tarte handiagoa dute pasaitarrek.
Gainera, hurrengo asteburuan partida errazagoa dute Pasaiakoek. Seigarren tokian dagooen Beti Onaren kontra ariko dira, etxean; Ibarrako taldeak, aldiz, laugarrenaren kiroldegia bisitatuko du, The Nest taldearena.
