Gabon giroan eta erakusketa Petra Lekuona egoitzan
Gabon giro betean sartuak daude Petra Lekuona adinekoen egoitzan. Ohiko afari eta bazkariez gain, hainbat ekitaldiz gozatzeko aukera izan dute eta oraindik ere badute bertakoek. Gaur, hilak 4, esaterako, malabareak eta musika izango dituzte herriko talde baten eskutik eta hilaren 6an, bazkaria izango dute errege erroskarekin. Hilaren 8an emango diote bukaera gabon giroko egitarauari; egun horretan bingoa izango dute opari bereziekin.
Erakusketa
Bi hilabetez, hil honetan zehar eta otsailean, Manuel Outeiral Rodriguezen margolanak eta itsasontzien maketak ikusteko aukera izango da Petra Lekuonan. Astelehenetik igandera bitarte ikus daiteke erakusketa, 09:30etik 13:00etara eta 16:00etatik 20:00etara.
