Banda, abesbatza eta Pirritx, Porrotx eta Marimotots, Galtzarabordan
Orereta ikastolaren 50. urteurrenaren harira, musika eta pailazoak batzen dituen ikuskizuna izango da igande honetan, hilak 22, Galtzarabordako kiroldegian. Taula gainera, Pirritx, Porrotx eta Marimotots igoko dira, baina ez dira protagonista bakarrak izango. Eurekin batera, Errenteriako Musika Bandak, eta Orereta Txiki, Orereta eta Oinarri abesbatzek ere parte hartuko dute. Aitor Mitxelenak zuzenduko ditu guztiak. Bi emanaldi izango da, lehenengoa, 16:30ean, eta bigarrena, 19:00etan.
150. urteurrena, EMKE-k
Datorren urtean, Errenteriako Musika Kultur Elkarteak 150 urte beteko dituela eta, dagoeneko hasi da EMKE urteurrena ospatzeko gauzak antolatzen. Hasteko, urte hauetan guztietan bandaren ikur egin diren abestiekin disko bat osatu du. Bertan, Zentenarioa eta Errenteriako Diana bezalako konposizioez gain, herriko beste zenbait elkarteren ereserkiak ere grabatu ditu, Ereintza, Amulleta edo Alkartasuna elkarteenak, esaterako. Bestalde, La Primavera eta A Igarondo konposizioak ere bildu dituzte.
“Eta hori guztia gutxi balitz, diskoaren harribitxia, Zentenarioa, zuzeneko bertsioan entzun ahal izango da, Herriko Enparantzako giro aparta, txupinazoa zuzenean, azken finean herri baten hotsa bere musika bandarekin batera”.
Bitxi kolore dendan eros daiteke diskoa.
Horrez gain, datorren urterako kontzertu egutegia ere osatzen ari dela aurreratu du, eta Gipuzkoa osora begira egingo dituela emanaldiak 150. urteurrena: 1984-2014: herri bat, banda bat lelopean
