Musika egitarau zabala antolatu du musika eskolak gabonei begira
Gabonetako egitarau zabala prestatu du Tomas Garbizu Musika Eskolak. Larunbatean hasita hilaren 31 bitartean lau kontzertu eskainiko dituzte bertako ikasleek eta tartean Hator Hator kantatzera ekimena egingo dute 24ean. Eguerdian abiatuko da kalejira Euskal Herria Plazatik eta Urdaburu, Aralar, atzekoate eta Ixkulinetik pasata, Gurutze Santuaren plazan amaituko da. 12:30ean dago iragarria Kanta Dezagun ekitaldia plazan bertan. Euria egingo balu berriz, Saldise plazan egingo lukete.
Urte amaierako kalejirak ere ez du hutsik egingo aurten, 31n 18:30ean abiatuta herriko kaleetan barrena ibiliko dira Koplak Kantari Tomas Garbizuko talde korala, Trikitixa taldea eta Aiton Bordako abesbatza.
Egitaraua
- Larunbata, 14: Musika bandaren kontzertua Gezalan 12:30ean.
- Osteguna, 19: Musika eta mugimendua 2 ikasturteko ikasleak eta harizko taldearen kontzertua 18:00etan Gezalan.
- Ostirala, 20: Talde koraleko ikasleen eta Zangotz Akordeoi taldearen kontzertua 19:00etan Gezalan.
- Larunbata, 21: Kantujira 12:00etan Aiton Bordatik abiatuta. Ondoren txistorra jatea Aiton Bordan.
- Astelehena, 23: Sutargi Abesbatza, Aiton Borda Abesbatza eta Atzekoate Abesbatzaren kontzertua 19:00etan Gezalan.
- Asteartea, 24: Hator Hator Kantatzera kalejira. 12:00etan Euskal Herria Plazatik irtengo da. 12:30ean Kanta Dezagun plazan.
- Igandea, 29: Sutargi Abesbatzaren kontzertua Errenteriako Kaputxinoetan 19:00etan.
- Asteartea, 31: Aiton Borda Abesbatza, talde korala eta trikitrixa taldea kopla kantari ibiliko dira.
