35/02 eta 26/11 sumarioak gaitzetsi ditu Errenteriako Udalak

admin

Bidasoa

2013/12/04

Libre Eguneko mosaikoa

Espainiako Auzitegi Nazionalean egiten ari diren bi epaiketen kontrako desadostasuna adierazi du gaur Errenteriako Udalak mozio baten bidez: Herriko Tabernak izenez ezaguna den 35/02 sumarioa eta 26/11 Segi gazte erakundearen aurkako epaiketa. Errenteriako Udalak “inoiz hasi behar ez zen prozesua ixteko eta auzipetu guztiak absolbitzeko” eskatu du. Era berean, auzipetuta dagoen Idoia Arbelaitz herritarrari elkartasuna adierazi dio. Mozio hori bozeramaileen batzordean eztabaidatu dute, eta gehiengoz atera da aurrera. Udalaren arabera, bi sumarioek ez dute “gutxieneko oinarri juridikorik, eta ez ziren sekula hasi behar; kausa artxibatu behar ziren”. Prozesu horiek beste batzuk “gogora” ekartzen dizkiola adierazi du udalak, eta 18/98 nahiz Euskaldunon Egunkariarena jarri ditu adibidetzat: “Prozesu horiek ez zuten inoiz hasi behar. Hasiera-hasieratik oinarri juridiko penalik gabeak izan direlako. Prozesu horren sorburu eta garapenean nagusi izan ziren asmo eta inspirazio politikoa. Prozesu horiek justiziaz kanpoko irizpideek markatu zituzten”. Udalak gaineratu duenez, “auzipetuei ETAko kide izatea edo harekin lankidetzan aritzea egotzi zitzaien, hori esateko argudio bakartzat lege barruan garatzen diren jarduera kulturalak, prentsa lanak edo politikoak erabilita, eta dena ETAren mende zegoela ezarriz”. Orain, gainera, epaiketa bestelako testuinguru politikoan garatuko dela adierazi du, “bake eta normalizazio prozesua Euskal Herriko erakunde politiko eta sozialek bereganatuta duten garaian, hain zuzen”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

35/02 eta 26/11 sumarioak gaitzetsi ditu Errenteriako Udalak

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak