Beltza eta morea nagusituko dira azaroaren 25ean

admin

Bidasoa

2013/11/16

Oarsoaldeko mugimendu feminista

Emakumeen Aurkako Indarkeriaren Kontrako Nazioarteko Eguna hurbiltzen ari da. Azaroaren 25ean izango da, eta Oarsoaldea mailan ere indarkeria matxista salatzearekin batera, gogoan edukiko dituzte 2013an hil dituzten emakumeak. Hala, egun horretarako deialdi bikoitza egin du Oarsoaldeko mugimendu feministak. Batetik, Errenteria-Oreretan, Antxon eta Oiartzunen egingo diren elkarretaratzeetan parte hartzeko, eta bestetik, tabernari, komertzio, eta oro har, kalera begira lan egiten dutenei eta herritarrei arropa beltzez jantzi eta zerbait morea eramateko. Horrekin batera “kandelak piztea, kontzentraziorako dei egiten duten kartelak jartzea eta 19:30etik 20:30era argiak itzaltzea” ere eskatu dute. Azaroaren 25ean, 19:30ean elkartuko dira, Errenteria-Oreretan Zumardian, Antxon Gure Zumardian eta Oiartzunen Herriko plazan. Hiruretan ordu berean. Oarsoaldeko mugimendu feministak gogorarazi duenez, Euskal Herrian bost emakume hil dituzte urte honetan: Montserrat Marigo, Antsoainen hil zuten ustez pisukideek labankadaz; Maria Angeles Gasteizen, senarrarekin batera hilda agertu zen indarkeria zantzuekin; Amagoia Elezkano Laudion, ustez senarrak eraila, eta Maureen Ada Otuya zein Jenny Sofia Revollo Bilbon, Juan Carlos Aguilarren “torturapean erailak”. Emakumeak ez direla “biktimismoa” bilatzen ari esan dute: “Indarkeria matxistak sortzen duen neke, egonezin eta nazkaz baliatuta defendatzeko gai garela ozen ohikatu nahi dugu”. Horri lotuta, emakumeek “lasai” bizi nahi dutela aldarrikatu dute, “kalean, etxean ikastetxean nahiz lantokietan erasotuak izango garenaren beldurrik gabe”. “Politika errealak” Lau eskaera nagusi zabaldu dituzte. Batetik, politika errealak nahi dituztela: “Eusko Jaurlaritza, aldundia, eta udaletatik etorri behar duten neurri prebentibo eta paliatiboen zain jarraitzen dugu”. Bestetik, kalera eurena dela, eta “aske” ibili nahi dutela. Horrez gain, emakumeak ez direla inoren jabe, eta euren bizi proiektuak askatasunean garatzen jarraitu nahi dituztela. Eta azkenik, eraso matxisten aurrean ez direla kokilduko: “Gure burua eta beste emakumeena defendatzen jarraituko dugu, gure auzo eta herrietatik erasotzaileak bota arte, emakume sareak antolatzen eta konspiratzen jarraituko dugu”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Beltza eta morea nagusituko dira azaroaren 25ean

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak