Lasarten galdu arren goian segitzen du Hondarribiak
Ostadarren kontra galdu zuen Hondarribia futbol elkartearen lehen taldeak larunbatean Lasarte-Orian (2-0), baina sailkapeneko lehen postuetan segitzen du, bosgarren, lider Tolosarengandik lau puntura. Bosgarren tokira jaitsi da Hondarribia, 15 puntu pilatuta.Orain arte lau partida irabazi, hiru berdindu eta bi galdu dituzte Ohorezko Mailako berdeek.
Aurten inoiz baino parekatuagoa dago sailkapena. Bederatzi jardunaldi jokatu direnean ezer ez dago argi, ez goitik, ezta behetik ere, eta lehenak azkenari hamahiru puntu baino ez dizkio ateratzen. Adibide gisa, duela bi jardunaldi 4 punturekin sailkapena ixten zuen Aretxabaletak 12. posturaino egin du jauzi, bi partida jarraian irabazita, hamaikagarren tokian den Vasconiarekin berdinduta.
Vasconia da, hain zuzen ere, Hondarribiaren hurrengo aurkaria. kanpoan bi jardunaldi jarraian jokatu eta gero Hondartzara itzuliko dira Mikel Llorenteren mutilak.
Futbol taldeen asteburuko emaitzak
Erregional Ohorezko Maila- Ostadar-Hondarribia 2-0
- Hondarribia B-Behobia 5-1
- Hondarribia-Touring 1-2
- Touring-Hondarribia 4-0
- Beti Ona-Hondarribia B 2-5
- Landetxa B-Hondarribia B 0-2
- Hondarribia-Landetxa 5-1
- Dunboa Eguzki-Hondarribia 0-8
- Hondarribia-Behobia (atzeratuata, asteazkenean jokatuko da, 17:00etan)
- Hondarribia-Irun Artia
- Oiartzun B-Hondarribia B 1-5
- Hondarribia-Real Union 3-2
