Errigora ekimena bultzatuko du Basarik
Gaur, bihar eta etzi, (hilak 11, 12, 13) Basariko lagunek elkartearen egoitzan izango dira, 19:30etik 20:30era, Errigora ekimena lagundu nahi dutenek beren eskariak egin ditzaten. Errig0ra Nafarroako hegoaldean euskara laguntzeko proiektua da. Eremu ez euskaldunean deritzan zonaldean berezkoak diren produktuak (zainzuriak, orburuak, arroza, olioa…) merkaturatuz, euskara laguntzeko dirua biltzea da asmoa. Honatx saskiaren osagaiak: Bi botila olio (bat ekologikoa); 3 piper poto (bat ekologikoa); Potxak; kardoa; borraja; orburuak; 2 zainzuri lata; Tomate-pikillo saltsa (ekologikoa); barazki krema (ekologikoa). Saskiak 50 euro balio du, baina herritarrek egindako lan boluntarioari esker, bitartekariak ekidin eta horrek irabazien %25a euskarari bideratzea ahalbidetzen du.
