Arraunlarien omenaldirako txartelak erosteko azken eguna da gaur
Udalak bat egin du herritar talde batek Kontxako bandera irabazteagatik Ama Guadalupea traineruko araunlariei hilaren 16an egingo dioten omenaldiarekin. 2005eko Kontxako irabazleekin egin bezala, urrezko arraun txiki bana emango de alkateak arraunlari bakoitzari. Arrantzaleen Kofradiako Bentan egingo den bazkariaren ondotik banatuko ditu alkateak oroigarriak.
Udaletik dei egin diete herritarrei larunbatean antolatu diren ekitaldietan parte hartzeko, “arraunlariek eta Hondarribiak gogoratzeko moduko eguna izan dezaten”.
Sarrerak bihar arte
Bihar da azken eguna bazkarirako txartelak erosteko. Dagoeneko 300 lagunek baino gehiagok eman dute izena. Txartelen prezioa 25 eurokoa da (12 euro, 16 urtetik beherakoentzat) eta honako lekuetan erso daitezke: MAPFRE Aseguruak, Kai Alde Gozotegia, Arraun Elkartea, Amuteko Lanbroa taberna eta Irungo Sargia taberna.
