Erdi Aroko polikromia teknikak ezagutzeko aukera dago Arma Plazan hilaren 17ra arte

admin

Bidasoa

2013/11/02

Lan polikromatuen zein urreztatuen adibideak ikus daitezke Arma Plazako erakusketan

Lan polikromatuen zein urreztatuen adibideak ikus daitezke erakusketan

Egurra polikromatzeko Erdi Aroan erabiltzen zituzten teknikak ikasteko tailerra egingo dute astelehenetik hasita Zuloaga Etxean. Hilaren 4, 6, 11 eta 13an egingo dute, 16:00etatik 21:00etara. Kultur Ondareen mantentze eta zaharberritze lanetan adituak diren Yasmina Prada eta Iosu Salegik eskainiko dute tailerra. Adar Aroztegiko kideak dira eta, azaldu dutenez, tenple teknikarekin margotzen irakatsiko dute, arrautzarekin zein kolarekin: “Ikastaro praktikoa izango da eta ikasleak Erdi Aroan bezala polikromatzen ikasiko du. Material guztiak utziko zaizkio”. Tailerrari lotuta, Ahazturiko artisau teknikak, egurretik Erdi Aroko margora erakusketa bisitatu daiteke hilaren 17ra arte, Arma Plaza Interpretazio Zentroko goiko solairuan. Erakusketa txikia da, baina txukuna eta oso interesgarrria. Bisitariak erraz ikas dezake Erdi Aroan artelanak eta arte lan ez ziren bestelako egurrezko lanak margoztatzen zituztenek nola egiten zuten lan. Garai hartan egurrezko lanak gremioka banatzen ziren eta hiru lanbidek hartzen duten parte: eskulturgileak, margolariak eta urreztatzaileak. Bakoitzak bere tailerrean egiten zuen lan eta berean aditua zen, baina besteen lanetan ez. Lanbide arruntak ziren, ez artistak, baizik eta “egileak”. Maisu handienek baino ez zituzten euren lanak sinatzen.

Adarrekoek sorturiko lanetako batzuk

Erabiltzen ziren egur moten berri ere ematen du Arma Plazako erakusketak. Euskal Herrian zeintzuk erabiltzen ziren eta lan bakoitzerako egokiena zein zen ere aipatzen da. Baina erakusketaren xedea egurrezko lan horiek nola margotzen ziren erakustea da eta, hori ere, oso txukun azaltzen du. Margotu aurretik egurra prestatzen zuten, porositateak eta mugimendu estrukturalek margoan eragitea ekiditeko. Hala, lehenengo inprimazio geruza bat ematen zioten egurrari, horren gainean prestakina jartzen zen eta, hirugarrenik, geruza piktorikoa ezartzen zioten. Lana polikromatua bazen, margolariak egiten zuen, baina urreztatua edo esgrafiatua bazen, orduan urreztatzailearen ardura zen egurrezko altzaria edo ikurra burutzea. Adar Aroztegiak antolatu ditu Ahazturiko artisau teknikak, egurretik Erdi Aroko margora goiburuko erakusketa nahiz Erdi Aroko teknika piktorikoak lantzeko ikastaroa. Egurrean eta polikromian adituak dira Adarren eta altzari zaharrak nahiz Ondare Kulturala zaharberritzen lan egiten dute. Arma Plazako erakusketan, beraiek sorturiko altzari batzuk ikus daitezke, garai bateko tekniketan eta diseinuetan oinarritutakoak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Erdi Aroko polikromia teknikak ezagutzeko aukera dago Arma Plazan hilaren 17ra arte

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak