Mendebaldeko harresiko bigarren fasea hasi da, urtebete berandu

admin

Bidasoa

2013/11/01

2011n kanpoaldea berritu zuten

Aste honetan hasi dira Hondarribiko harresiaren mendebaldeko obra zaharberritzeko bigarren fasea, 2011ko lehen erdialdean egin zutenaren jarraipena. Hasiera batean 2012an burutu behar zituzten harresiaren barnealdeko zatiko lanak, baina urtebeteko atzerapenarekin hasi dituzte. Iazko urrian Aitor Kerejeta alkateak aurreratu zuen ia 230.000 euro lortu zituztela lanak burutzeko, eta urtea—2012— amaitu aurretik hasiko zirela zaharberritze lanak. Orduan alkateak azaldu zuenez, Eusko Jaurlaritzako Kultura Departamenduak 199.832,12 euroko diru laguntza eman zuen eta eta Gipuzkoako Foru Aldundiko Kultur, Gazteria eta Kirol Departamentuak beste 28.000 euro. “Diru laguntza hauekin argi geratzen da foru administrazioak eta administrazio autonomikoak interes handia dutela harresiak kontserbatu, birgaitu eta balioztatzeko gure proiektuan”, adierazi zuen Kerexetak orain hamabi hilabete. Baina lanak ez ziren egin eta ia urtebete atzeratu dira. Egoera ekonomikoak behartuta atzeratu direla adierazi du Kerejetak aste honetan: “Orain dela bi urte Mendebaldeko Hormaren kanpoko aldea egin genuen, Harresilanda kalera ematen duena, eta oso emaitza onak izan genituen. Egoera ekonomikoak eta lehentasunek hala behartuta, 2013 urtea arte itxaron behar izan dugu barrengo aldea egiteko, eta hau ere bi fasetan zatitu behar izan dugu”. Lanen aurrekontua 208.000 eurokoa dela jakinarazi du. Gabonetarako bukatuta Lehen unean Erreginaren Baluartea eta kanoi-zuloen arteko zatia zaharberrituko dute. Lehen zati hori bukatuta, kanoi-zuloen eta San Nikolasen kanpoko aterainoko zatiari ekingo diote. Obra Gabonetarako bukatzea espero dutela esan dute. Alkateak nabarmendu du obraren helburua Alde Zaharreko monumentu multzoari “hiri balioa” ematea dela: “Irizpidea jatorrizko arkitektura berreskuratu eta hiri balioa ematea da; hartarako jatorrizko egiturak berreskuratu behar dira, zati batzuetan berreraikitze lanak eta sendotze lanak eginez. Lehenbizi kanoi-zuloei akabera eta errematea emango diegu, ondoren gauza bera egingo dugu Mendebaldeko Hormako barru aldeko paretarekin, eta hirugarren urratsa parapetoan galdutako harlanduak ordezkatzea izango da”. Bukatzeko, gainaldeko zorua ordezkatuko dute eta zaharberritutako egiturak garbituko dituzte, babesteko. Hondarribiko harresietan egin diren azken lanak zuzendu dituzten Manuel Iñiguez eta Alberto Ustarroz arkitektuek izango dute lanen ardura, eta TEUSA enpresak egingo dute obra.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Mendebaldeko harresiko bigarren fasea hasi da, urtebete berandu

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean