Goi mailako bertsolariak azaroaren 2ko Bertso Festan
Landare elkarteak urtero egiten dio tokia bertsolaritzari, eta aurten ere ez du hutsik egingo Bertso Festak Errenteria-Oreretan. Urtez urte goi mailako bertsolariak ekartzeko ahalegina egiten dute, eta aurten ere mailari eutsiko diote. Zazpi bertsolari hauek igoko dira oholtzara: Amets Arzallus, Andoni Egaña, Maialen Lujanbio, Unai Iturriaga, Jon Maia, Alaia Martin eta Arkaitz Oiartzabal Xamoa. Gai jartzaile lanetan Iosu Goikoetxea ariko da.
Bertso saioa azaroaren 2an izango da, 19:30ean, Niessen aretoan. Sarrerak dagoeneko eros daitezke Landare eta Arkaitza tabernetan, Xenpelar kultur dendan, eta egun berean, kulturguneko leihatilan saioa hasi baino ordubete lehenago. Sarrerek 10 euro balio dute.
