Gran Sol eta Batzokia lehiatuko dira txapelaren bila

admin

Bidasoa

2013/10/15

Bixente Muñoz, goizean

Hondarribiko Batzokiak eta Gran Solek parte hartuko dute gaur arratsaldean Itsas Etxea Auditoriumean egingo den Euskadi Saboreala Euskal Herriko VIII. Pintxo Txapelketako finalerdian. Goizean Gipuzkoako kanporaketa egin da eta 25 taberna eta jatetxeren artean zazpi sailkatu dira, herrialdeko txapeldun Terranovarekin batera. Gran Soleko Bixente eta Mikel Muñoz anaiek bakailaoan eta foie-an oinarritutako pintxoa prestatu dute, “matiz askoko sentsazioz beteriko bidaia bat munduan, gazia, goxua, marinatua, kurruskaria, asiatikoa…”. Amaz gogoratu da Bixente anai zaharrena pintxoa aurkeztu duenean: “gustatzen zait esaten didatenean maitasunarekin egindako sukaldaritza egiten dudala, hori baita nire identitatea, amak eta amonak erakutsi didatena eta sukaldaritzako maisuengatik ikasi dudana”. Iñaki Gezalak partaidetza bikoitza izan du goizean. Batetik bere pintxoa prestatu du, Hondarribiko Baztokiaren izenean, eta bestetik Errenteriako Batzokiko Victor Nicolaurena prestatzen lagundu du. Hondarribiko Batzokiak txibia protagonista duen lana aurkeztu du lehiaketara, “txipiroia bere zentzu guztietan, tintan, tipularekin, errea eta egosia, guztia batean”. Muñoztarrek bezala, teknika baino produktua bilatu du Gezalak bere pintxoan: “Produktua da oinarria, agian ez da hain pintxo teknikoa, baina produktua garrantzitsua da eta beste guztia zaintzen dugu, zaporea, aurkezpena…” Gran Sol eta Batzokia izango dira herriko ordezkariak pintxo txapelketaren finalaren atarian. Arratsaldeko 16:00etatik aurrera lehiatuko dira, Euskal Heriko beste 23 ordezkarirekin batera. Finalerdian lehiatuko diren 25 sukaldarietatik bost Oarso Bidasokoak izango dira, Hondarribiko biak, Gaztelumendi eta Irungo Atsegiña irundarrak eta Gipuzkoako txapelduna, Trintxerpeko Terranova taberna. Lehiaketa zuzenean ikusteko aukera dago, Itsas Etxeko harmailetatik bertatik, edota Internetez.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Gran Sol eta Batzokia lehiatuko dira txapelaren bila

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak