Zarzuelan ibilbidea egingo du musika bandak Pilar egunean
Hondarribiko Hiria Musika Bandak Pilar eguneko kontzertua eskainiko du larunbatean udaletxeko arkupeetan, 12:30etik aurrera. Alazne Alberdik zuzenduta, zarzuela generoari errepasoa emango dio bandak. Besteak beste, Pablo Sorozabal, Jacinto Guerrero, Federico Moreno edota Amadeo Vivesen obrak interpretatuko dituzte. Hurrengo kontzertua azaroaren 24an emango du bandak, Santa Zeziliaren omenez.