Pasaia biziberritzeko "oztopoak" salatu ditu gobernu taldeak

admin

Bidasoa

2013/10/09

Amaia Agirregabiria eta Migel Mari Torrea, gaur, azalpenak ematen

Amaia Agirregabiria alkateak eta Migel Mari Torreak Pasaiako Udal Gonbernu Taldearen izenean salatu dute gaur Pasaiaren biziberritzerako “oztopoak” jartzen ari direla hainbat erakunde. Horren adibidetzat jarri dute URA agentziak —Eusko Jaurlaritzaren barruko erakundea da— ez dituela baimendu Antxoko parke eta pilotaleku berria egiteko lanak, edo Donibaneko saneamendua berritzea ez dagoela euren lehentasunen artean: “Ez dugu ulertzen zergatik hainbeste oztopo, zergatik galerazten diren herritarren ongizatea bermatzearekin harreman zuzena duten ekimenak. URA agentzia EAJren zuzendaritzapean dago”. Horregatik, erakundeei dei egin die gobernu taldeak “erantzukizunez” joka dezaten, “biziberritzea behin betikoa” izan dadin, eta azaldu du udal erakundea prest dagoela “elkarlanean akordioetara iristeko”. Horren adibide bezala jarri dute hainbat erakunderekin izaten ari diren hartuemanak, aldundiarekin, Jaurlaritzarekin berarekin edo Pasaiako Portu Agintaritzarekin kasu: “Tadeak biziberritze integralean sinisten du, eta horrek esan nahi du pasaitarren ongizatea bermatuko duen guztia hartzen duela prozesuak; pasaitarrek izan behar dute ardatz, eta Pasaiari buruzko erabakiak Pasaian hartu behar dira”. Bide horretan, Eusko Jaurlaritzak duela hilabete biziberritzearen gaineko protokoloa argitara eman zuela jakinarazi du alkateak, “eta horren gainean lanean aritu gara, eta ekarpenak egin ditugu”. Elkarlana oinarritzat hartuta egin nahi du biziberritzearen alde gobernu taldeak, “eta lehenbailehen konpondu nahi ditugu arazo hauek. Guztien parte hartzea bultzatuta adostasuna bilatuko dugu”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Pasaia biziberritzeko "oztopoak" salatu ditu gobernu taldeak

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak