Irungo Bildu ados dago "udala herritarrengana gerturatzeko" erabakiekin

admin

2013/10/01

Mitxelena, mozioaren gaineko argibideak ematen, gaur

Aurreko asteko udalbatzarrera mozioa aurkeztu zuen Bilduk, “udala herritarrengana gerturatzeko” bost proposamenekin. Alderdi guztietako zinegotziek mozioaren gainean egin zuten eztabaidaren ondotik, Bilduren mozioko bi puntu onartu zituzten, eta horiek Udal Etikaren Aldeko Irungo Alkatearen Dekalogoa agirian txertatuko dituzte. Bost puntuetatik bi onartuak izan arren, Bilduk gaiarekin gaineko balorazio “positiboa” egin du, Oinatz Mitxelena koalizioaren eledunaren hitzetan, “ez dugu uste mozioan egindako aldaketek desitxuratzen dutenik gure helburua. Helburua zen benetako eztabaida bat piztea alderdiak eta udala herritarrengana gerturatzeko eta horiekin lan egiteko neurriak hartzeko. Lortu dugu”. Mitxelenaren arabera, mozioa “abiapuntua” besterik ez zen izan euren helburuan, “argi genuen ez genuela eskatzen genuen guztia lortuko, nahiz eta ez izan eskaera iraultzaileak”, baina osoko bilkuran izandako eztabaida bitartean bide bat ireki nahi zutela. Horrela, onartutako mozioaren bidez, udalbatzarrak publiko egiteko neurriak hartzea adostu zuten zinegotziek, eta udalaren webgunearen bidez plenoak ikusteko aukera izango da baliabide teknikoak ezartzen direnean. Bigarren puntuan adostu zuten zinegotziek plenoa bitartean erabiltzen dituzten tresna elektronikoen erabilera (sakelako telefonoak eta antzekoak) arautzea. Udala herritarrengana hurbiltzeko prozesua “luzea” izango dela baieztatu du Bilduren eledunak, “ez da egin batetik bestera lortuko”, baina Bilduk hartutako bidea beste alderdiengan eragina izan duela uste du Mitxelenak, “beste alderdiek azaldutako jarrera eskertzekoa da, eztabaida ona izan zelako. Gure jarrera beti izan da herritarrengana gerturatzea, eta guk emandako urratsari esker, mozio bidez bada ere, hainbat neurri hartuko ditu udalak. Guk, gure partetik, gaia lantzen jarraituko dugu”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Irungo Bildu ados dago "udala herritarrengana gerturatzeko" erabakiekin

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak