Famili Esku-hartze programan izena emateko epea ireki dute
Lezoko Udalak Famili Esku-hartzearen zerbitzu desberdinak gauzatuko dituzten profesionalak kontratatzeko baldintza tekniko eta administratiboen agiria plazaratu du. Helburua kontratazioa zuzentzeko baldintza teknikoak finkatzea da. Eskaerak egiteko epea urriaren 9an bukatzen da.
Babes-gabezia arin edo eratinean gelditzeko arriskua duten Lezoko familiei zuzentzen zaie Famili Esku-hartze programa. “Kontratuan zehazten diren zerbitzuak gauzatzeko taldean psikologian lizentziatutako langileak, familia hezitzailea (bat edo batzuk) eta psikomotrizista bat ezinbestekoak dira. Era berean, koordinatzailea edo taldearen arduraduna izendatzea eskatzen da”, azaldu dute udaletik.
Eskaera egiteko baldintzak, administratiboak zein teknikoak, udal webgunean eskura daitezke, baita Udaleko Gizarte Zerbitzuetako Buelegoan.
Esku-hartze programako ekintzen helburuak
- Guraso edo legezko tutoreei tarte bat eskaini, beren kargura dituzten adingabeen oinarrizko beharrez ezagutza handiagoa eta hurbilketa enpatikoa ahalbidetzeko.
- Familia dinamikaren barruan, adingabeei testu-inguru seguruagoa eskainiko dien aldaketak bideratzea.
- Haur edota nerabe hauen gurasoak edo legezko tutoreak bere seme-alaben egonezinaren erruaren zati bat izan dezaketela ohartaraztea.
- Gurasoak edo legezko tutoreak jarraibide hezitzaile egokiak izan ditzaten sustatzea.
- Egoera hori bizi izan duten haur eta nerabeei esperientzi traumatiko hori egituratzen laguntzea.
- Haurrei edota nerabeei beste erabateko portaerak eta harreman sanoak badaudela ikustaraztea, eta horiek eguneroko bizitzan integratzea.
