Berrordainketaren kontrako kanpaina abiatuko dute

admin

Bidasoa

2013/09/20

Errenteria-Oreretan ere sinadurak bildu zituen Duintasun elkarteak.

Herriko lau farmazietan sinadurak bilduko dituzte; astelehenean Doneztebe plazakoan izango dira.Oiartzungo jubilatu talde batek botiken ordainketa partekatuaren kontrako kanpaina bat jarriko du martxan heldu den astean. Sinadurak bilduko dituzte herriko lau farmazietan, gerora erakundeetara bidaltzeko asmoarekin. Astelehenean hasiko dira kanpainarekin eta egun bakoitzean farmazia batean egongo dira, 09:00etatik 12:00etara. Lehen egunean, hilak 23, Doneztebe plazako farmazian egongo dira. Hilaren 25ean, Arraskularrekoan; hilaren 30ean Altzibarkoan, eta urriaren 2an Arraguakoan. Farmazietara sartu behar dutenei informazioa emango diete eta sinatzera animatuko dituzte. Oiartzunen 1.813 dira 65 urtetik gorakoak, murrizketa zuzenean eragingo dietenak, hain zuzen ere. Arantza Arrese jubilatu taldeko kideak azaldu duenez, murrizketa honek “kalte” handia egin dio jende askori: “Askok eta askok izugarrizko arazoa dute eta ezin dituzte botikak ordaindu. Gainera, askok euren bizi osoa pasatu dute lanean eta askotan kotizatu gabe eta orain murrizketa etortzea ez da bidezkoa”. Pentsiodun eta 65 urtetik gorakoen errezetak dohainik izatea eskatzen dute, baita anbulantziak, makuluak… ere. Arresek adierazi duenez, 417 botika errezeta gorrietatik atera dituzte, hau da, finantzazio publikotik kanpo dauden botikak dira. Errezeta horiek orain osorik ordaintzen dituzte kaltetuek. Botika horiek zeintzuk diren jakiteko webgune hau bisita daiteke: www.msssi.gob.es/profesionales/farmacia/pdf/BOEA201210952.pdf. Ordainagiriak gorde Pentsiodun zein 65 urtetik gorakoei eskari zehatz bat egin nahi die jubilatu taldeak: “Farmazian erosten dituzten botika guztien tika eska dezatela eta egiaztagiriak (farmaziako zigilua, data eta sinadura). Horiek behar dira Eusko Jaurlaritzari erreklamazioa egiterakoan beharko diren ziurtagiriak”. Gazte Izanak elkartearekin eta Petra Lekuona zaharren egoitzakoekin biltzeko asmoa dute jubilatu taldeko kideak, kanpainaren berri emateko eta informatzeko. Aurrera begira ere elkarretaratzeak antolatuko dituztela jakinarazi dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Berrordainketaren kontrako kanpaina abiatuko dute

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean