Aste honetan jarriko dira martxan ludoteka eta gaztelekuak
Gaur ludotekak eta asteazkenean gaztelekuak. Laster hasiko da ikasturte berria horientzat ere udako oporren ostean. Hala eta guztiz ere, oraindik badago izena emateko aukera, eta edozein ludoteketan egin daiteke: Gabierrota, Markola, Agustinak, Kaputxinoak, Berauz nahiz Erdigunea.
Ludotekan ikasturte osorako kuota 40 eurokoa da, eta familia ugariek %50eko hobaria izango dute. Seme-alaba bat baino gehiago matrikulatzen dutenek, berriz, %20koa. Hiru hilabeterako kuota eginez gero, kuota 20 eurokoa da. Gaztelekuak, berriz, doan dira.
Ordutegia
Ludotekekak Lehen Hezkuntzako ikasleei zuzenduta daude, eta bertan, tailerrak, mahai jokoa, joko gidatuak eta bestelakoak egiteko aukera izango dute. Astelehenetik ostiralera daude zabalik 17:30etik 19:30era.
Gaztelekuak, berriz, 12-13 urtetik gorako gaztei zuzenduta daude, eta ekintza programa zabala dute. Asteazkenetik larunbatera ematen dute zerbitzua, 17:30etik 20:30era.
Informazio gehiago gazte informazio bulegoan.
