Arraunlari kalea peatonalizatzeko proposamen berria aurkeztuko du udalak

admin

Bidasoa

2013/09/16

Arraunlari kalearen artxiboko irudia

San Pedroko aparkalekuak eta trafikoa antolatzeko Udal Gobernu Taldeak landu duen proposamen berriaren xehetasunak emateko batzar irekira deitu dituzte sanpedrotarrak hilaren 19rako (osteguna), 19:30ean, Udal Aretoan. Nabarra Boua plazako aparkalekuak abian jartzeko prozesua bukatzear dago, eta horren ondorioz Arraunlari kalerako batez ere egitasmoa badu udal gobernuak: oinezkoei lehentasuna emango dien proposamena da. Bide horretan, udalak bere proposamena osatzeko hainbat bilkura egin dituela jakinarazi du. Azkena aurreko asteko asteazkenean egin zuten, gai hori propio lantzeko San Pedron sortu zuten bizilagunen batzordearekin. Azken horiek hainbat ekarpen egin zizkioten udalak landu duen proposamenari, eta horiek aztertzen ari dela nabarmendu dute udaleko kideek, “argi izanik lehentasuna oinezkoak direla, eta hauteskunde programan zehaztutako marra gorriak ez ditugula gaindituko”. Gaizkiulertua Udal Gobernu Taldeak gaizkiulertu baten berri eman du, 2-2 egoiliar txartelaren banaketaren gainekoa. Hala, hori konpontze aldera, udalak esan die Torreatzeko bizilagunei “egoiliar txartela duten San Pedroko bizilagun guztiek aparka dezaketela bai Torreatzen baita Arraunlari kalean ere, eremu bakloitzean zehaztuta dauden ordutegietan”. Horregatik barkamenak eskatu ditu udalak txartel horren banaketan izan diren gaizkiulertuengatik, eta “honek eragin dituen buruhausteengatik”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Arraunlari kalea peatonalizatzeko proposamen berria aurkeztuko du udalak

Gipuzkoa

Gipuzkoako Soziometroaren arabera, EH Bilduk irabaziko lituzke foru hauteskundeak, baina EAJk eta PSE-EEk gehiengo osoa lortuko lukete

BDZk salatu du Gipuzkoako enpresa batek eraikuntzako 3,68 tona material esportatu dituela Israelera

Erromatarrak bueltan dira

Gipuzkoako egoitzetan bizi diren lau lagunetik hiruk uste dute bizi kalitate ona dutela

Aiako txaleta eraisteko agindua berretsi du Auzitegi Gorenak

Eusko Jaurlaritzako Segurtasun Sailak salatu du futbol partida bateko epaile bati jazarri diotela ertzaina izateagatik

Zahar etxeetako gatazkari irtenbidea emateko eskatu dio ELAk Gipuzkoako Foru Aldundiari

Berastegi, Berrobi eta Elduain Tolosarekin lotzeko autobus zerbitzua indartuko du Gipuzkoako Foru Aldundiak