Sei urte eta gero berriz Arritxulon
EHGAM Euskal Herriko Gay-Les Askapenerako Mugimenduak antolatuta, Maribollotrans kanpaldia egiten ari dira Arritxulo aterpetxean. Kanpaldiaren 22. aldia bada ere, orain dela sei urte egin zuten azken aldiz Oiartzunen, eta parte hartzaileek hala eskatuta aurten Arritxulora itzultzea erabaki dute.
Atzo iritsi ziren kanpaldiko partaide batzuk, eta gaur beste batzuk joango dira. Antolatzaileak, hala ere, zerbait kezkatuta azaldu dira, honetan ere krisiak zuzenean jo baitie parte hartzaile kopuruari dagokionez. Bihar bukatuko dute egonaldia. Hiru eguneko egitaraua prestatu dute: tailerrak, festa, irteerak… HITZAk euskal dantzen tailerrean harrapatu ditu parte hartzaileetako batzuk. Bihar Arditurriko meategiak bisitatzeko aukera izango dute.
Gipuzkoako Hitza-k erreportaje zabala eskaini dio gaiari.
