Itziar Nogeras: "Nire izendapenean lortu den kontsentsua azpimarratu nahi dut"

admin

Bidasoa

2013/09/03

Itziar Nogeras

Aro berria “osasunez, gogoz eta indartsu” hasi duela nabarmendu du Itziar Nogerasek, Donostia 2016ko zuzendariak gaur, kargua hartu duenetik eginiko lehen agerraldian. Bere izendapenaren harira sortu den polemika “argituta” dagoela uste du Nogerasek, eta prozesuan zehar “oso gaizki” pasatu duela aitortu du. Donostiako Udaletik, zuzendari izateko proposamena jaso zuen lehendabizi, eta orduan Elhuyarko lankideei “email informatiboa” bidali ziela argitu du Donostia 2016ko zuzendariak, baina ondoren kargu hori hautaketa prozesu baten bitartez aukeratuko zela berri eman zioten. Mezuak hautsak harrotu zituela jakitun, prozesuarekin ez jarraitzea “baloratu” zuela adierazi du. Azkenean, baina, bukaeraraino aurrera segitzea erabaki zuen, bere esanetan bere ingurukoek “animatuta”. Alde horretatik, Donostia 2016 proiektuaren patronatua osatzen duten lau erakundeek —Donostiako Udala, Gipuzkoako Foru Aldundia, Eusko Jaurlaritza eta Espainiako Gobernua— bere izendapena aho batez adostu zutela azaldu du. Aurreko zuzendaritza taldeari bere esker ona agertu dio Nogerasek; “eskuzabal” jokatu dutela adierazi du, eta aurrera begira “erantzukizunez” lan egingo duela nabarmendu du. Bere kudeaketa “gardena, parte hartzailea eta erantzukizunetan oinarritua” izango dela dio Nogerasek. Datozen hilabeteetan, bi erronka nagusi izango ditu Donostia 2016ko zuzendaritzak. Batetik datorren urteko aurrekontua negoziatzea, eta bestetik datorren urteko lan programa finkatzea. Nogerasek gaineratu du, aurki Donostia 2016ko lantaldea nahi duela eta proiektuaren egoitza berria ere abendua baino lehen inauguratuko dutela. Aurrerantzean, Donostiako Suhiltzaileen egoitza zaharrean kokatuko da Donostia 2016 proiektua.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Itziar Nogeras: "Nire izendapenean lortu den kontsentsua azpimarratu nahi dut"

Gipuzkoa

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik

Renfek autobusekin ordezkatu ditu Tolosa eta Beasain arteko tren zerbitzuak

Helmuga kalea izan dadin

Gipuzkoako zahar etxeetako lan baldintzak hobetzeko «ardura politikoa» har dezala exijitu dio ELAk aldundiari

Insaustik eskatu du «ez politizatzeko» etxerik ez dutenen egoera