Intxixu Lotiekin hurbilduko da Jon Miner ostiralean Banakora

admin

Bidasoa

2013/07/17

Ostiralean joko dute Banako tabernan, gaueko hamaiketan

Hamasei urte zituela hasi zen Miner gitarra jotzen, bere kabuz, eta hainbat talderekin jo izan du ordutik eta soinuztatze eta grabazio lanak egin izan ditu. Hala, XX. Mendeko 90. hamarkadatik musika proiektu anitzetan, gitarra-jotzaile eta soinu teknikari moduan parte hartu zuen, zuzenekoak, maketak eta diskoak grabatzen. Baina Minerrek beti nahi izan zuen kanta egile bezala jardun eta 2008an hartu zuen bide hori, bi egitasmorekin: batetik, bakarlari bezala hasi zen eta etxean grabaketak egin zituen. Eta bestetik, musika ibilbidean lagun egin zituen hainbat musikariekin elkartu eta Jon Miner eta Intxixu Lotien Banda sortu zuen. Zuzenekoetan hasi zen taldea eta 2010ean Estazioa diskoa grabatu zuten. Auto-ekoizpena izan zen, etxean grabatua zein nahastua. Minerrekin batera Juxe Goenagak, Juanma Perezek eta Anaitz Arozenak osatzen dute taldea. Goenaga Bihotz Erre taldeko gitarrista zen eta hainbat proiektuetan izan da Minerren ondoan; Perez, PLS taldeko abeslaria zen, baina baxua jotzen du Intxixu Lotiekin; eta taldeko bateria Arozena da, besteak beste, Alaitz eta Maider eta Inoren Menpe taldeetan ibilitakoa.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.