Madalenetako egitaraua prest dago. Orain ekintza horiez gozatzea falta da. Ezagutu nahi duenak hainbat bide izango ditu. Eskura jasotzeko, bihar banatuko dituzte aleak 11:00etatik 13:00etara, udaletxeko sarreran. Beste bide batzuk ere jarriko dituzte aurten: udal eraikinak (liburutegia, Fanderia nahiz Beraungo igerilekuak eta kiroldegia) eta
Oarso aldizkariarekin batera egingo duten banaketa. Aurtengo berritasuna, zenbait auzo elkarteetan ere banatuko dutela —11 dira guztira—. Bihar arratsaldean jasoko dituzte egitarauak eta datozen egunetan eskuratzeko aukera izango da. Guztira, 9.700 ale izango dira, eta beste horrenbeste poltsikorako egitarau ere jarriko dituzte.
Beste bidea
Herri Bizia webgunetik jaistea da.
Irune Balentziaga Kultur zinegotziak nabarmendu duenez, “ilusioz” ari dira prestatzen aurtengo madalenak, eta aipamen berezia egin die aurtengo omenduei: Erraldoi eta Buruhandien konpartsari eta Iñaki Tolaretxipi Landarbaso abesbatzako zuzendariari. Horiek merezitako omenaldia jasoko dute hilaren 20ean, 19:00etan, Xenpelar Etxean. Ekitaldi berean emango diote saria aurtengo kartel lehiaketaren irabazleari: Julen Rodriguez Galtzarabordako bizilagunari. Hain zuzen, gaur aurkeztutako egitarauak bere kartelaren irudia darama.
Jai batzordeak egindako lanari ere egin dio aipamena Balentziagak eta ekimen “interesgarri eta aberasgarria” izan dela adierazi du. “Errespetuaren, aniztasunaren eta berdintasunaren baloreak aintzat hartuz” egin dutela bidea esan du, eta “hala egiten jarraitzeko borondate osoa” dutela.
Bukatzeko gizon eta emakumeen arteko berdintasunean, sexu aukeren arteko berdintasunean eta jatorri, kultura eta izaeren arteko berdintasunean festak gozatzeko gonbitea egin die herritarrei.
Berritasunak eta sorpresak
Aurtengo jaietan izango diren berritasunen artean su artifizialak bi egunetan izango direla jakinarazi du Balentziagak. Horrez gain, hainbat sorpresa izango direla esan du, horietako bat “udaletxeko fatxadan”.
Iaz bezala, txupinazoa pantaila erraldoian emango dutela adierazi du, eta zuzenean, Interneten streaming bitartez.
Madalenetako egitaraua
Madalenetako egitaraua prest dago. Orain ekintza horiez gozatzea falta da. Ezagutu nahi duenak hainbat bide izango ditu. Eskura jasotzeko, bihar banatuko dituzte aleak 11:00etatik 13:00etara, udaletxeko sarreran. Beste bide batzuk ere jarriko dituzte aurten: udal eraikinak (liburutegia, Fanderia nahiz Beraungo igerilekuak eta kiroldegia) eta Oarso aldizkariarekin batera egingo duten banaketa. Aurtengo berritasuna, zenbait auzo elkarteetan ere banatuko dutela —11 dira guztira—. Bihar arratsaldean jasoko dituzte egitarauak eta datozen egunetan eskuratzeko aukera izango da. Guztira, 9.700 ale izango dira, eta beste horrenbeste poltsikorako egitarau ere jarriko dituzte.
Beste bidea Herri Bizia webgunetik jaistea da.
Irune Balentziaga Kultur zinegotziak nabarmendu duenez, “ilusioz” ari dira prestatzen aurtengo madalenak, eta aipamen berezia egin die aurtengo omenduei: Erraldoi eta Buruhandien konpartsari eta Iñaki Tolaretxipi Landarbaso abesbatzako zuzendariari. Horiek merezitako omenaldia jasoko dute hilaren 20ean, 19:00etan, Xenpelar Etxean. Ekitaldi berean emango diote saria aurtengo kartel lehiaketaren irabazleari: Julen Rodriguez Galtzarabordako bizilagunari. Hain zuzen, gaur aurkeztutako egitarauak bere kartelaren irudia darama.
Jai batzordeak egindako lanari ere egin dio aipamena Balentziagak eta ekimen “interesgarri eta aberasgarria” izan dela adierazi du. “Errespetuaren, aniztasunaren eta berdintasunaren baloreak aintzat hartuz” egin dutela bidea esan du, eta “hala egiten jarraitzeko borondate osoa” dutela.
Bukatzeko gizon eta emakumeen arteko berdintasunean, sexu aukeren arteko berdintasunean eta jatorri, kultura eta izaeren arteko berdintasunean festak gozatzeko gonbitea egin die herritarrei.
Berritasunak eta sorpresak
Aurtengo jaietan izango diren berritasunen artean su artifizialak bi egunetan izango direla jakinarazi du Balentziagak. Horrez gain, hainbat sorpresa izango direla esan du, horietako bat “udaletxeko fatxadan”.
Iaz bezala, txupinazoa pantaila erraldoian emango dutela adierazi du, eta zuzenean, Interneten streaming bitartez.
Madalenetako egitaraua
