Herri dantzen ikastaroa antolatu dute Errenterian
Hasiberri nahiz aritutakoentzako herri dantzen ikastaroa antolatu dute Ereintza dantza taldeak eta Kukai dantza konpainiak. Hilaren 8, 9 eta 10ean izango da: 18:30etik 20:00etara hasiberrientzat eta 20:00etatik 20:30era gainontzekoentzat. Bi kasuetan Errenteria Musikal Dantza Eskolako gela nagusian egingo dute, hirugarren solairuan.
Hasiberriek fandago, arin-arin eta muxikoen oinarrizko pausoak ikasiko dituzte. Aritutakoek, berriz, muxikoak eta dantza lotuak ikasiko dituzte. Lehenengoek 12 euro ordaindu behar dituzte klaseen truke, eta bigarrenek 8 euro. Bi kasuetan Mikel Coca izango da irakaslea.
