"Erasotzaileen zigorgabetasuna" salatu du Landetxa konpainiak

admin

2013/07/04

Landetxako konpainiako bi kide, erasoa jasan ondoren

Alarde Parekideko Landetxa auzoko konpainiak salatu du aurten, “berriro ere”, San Martzial Eguneko desfilean erasoak jasan dituztela, eta “erasotzaileen zigorgabetasuna” deitoratu dute: “Salatu nahi dugu jai egun hauetan pairatzen dugun indarkeria, genero indarkeria dela; hau da, emakumeen eta gizonen arteko harreman desorekatuak bultzatzen dituen sistemaren biolentzia”. Hala, konpainiako kideek aipatu dute Kale Nagusian oihu eta irainen artean jaitsi zutela, “eta pertsona batzuek haien edariak gure konpainiako kideen gainean jaurti zituzten. Ondoren, konpainiako kide batzuk kolpatu zituzten. Indarkeria fisikoa, psikologikoa eta hitzezkoa jasan behar izan dugu”. Horregatik, hainbat eskaera egin dituzte Landetxako kideek, eta horien artean Jose Antonio Santano alkateari esan diote “begiak irekitzeko, gizalegeaz eta errespetuaz hainbeste hitz egiten duen heinean”. Alardea “bakean eta pozik” bizi nahi dute, “berdintasunean, eta indarkeriak orain arte utzi ez digun gauza normal eta natural bat egin ahal izatea”. Zigorgabetasunaren gaiarekin esan dute “erasotzaileak babestuta sentitzen direlako” egiten dituztela erasoak, eta “era indiskriminatuan” egiten dituztela eraso horiek, “emakumeei, gizonei, adingabeei…”. Alta, “ordena publikoa ziurtatu behar dutenek, ordena apurtzen dutenen neurririk” hartu ez izana salatu dute Landetxako kideek. Gainera, esan dute eraso horiek arratsaldeko desfilean gertatzen direla, “autoritateak eta kazetariak ez daudenean”, eta horregatik hurrengo eguneko prentsan bi alardeak “normaltasunez eta istilurik gabe ospatu direla” agertzen dela: “Nori interesatzen zaio dena ondo atera dela sinestaraztea?”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

"Erasotzaileen zigorgabetasuna" salatu du Landetxa konpainiak

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean