Atzotik abian da Hondar Kirolak egitasmoaren IX. ekitaldia

admin

Bidasoa

2013/07/04

Gazte batzuk egitasmoan parte hartzen, iaz

Prebentzio Komunitarioko Udal Zerbitzuak Hondar Kirolak egitasmoa abiatu zuen atzo, aurten bederatzigarrenez. Gazteriako zinegotzi Txomin Sagarzazuk azaldu duenez, “proiektua hondartzako udal instalazioetan kirol animazioak eskaintzean datza” eta, gazteei, aisialdi osasuntsuan oinarritutako topaketa eta parte hartze esparru bat eskaintzea du helburu. Aurten berrikuntzarekin dator Hondar Kirolak egitasmoa, Zerbitzuko teknikariekin udalerriko gazte boluntarioen laguntza izango dutelako, esparrua kudeatu eta dinamizatzeko aukera izango dutenak. Programarako propio jarritako etxolan izango dira eta bertan informazioa emango dute eta ekintzetarako elkargune ere izango da. Sagarzazuren arabera, teknikarien eta boluntarioen zeregina futbol eta boleibol partidak antolatzea izango da batez ere, baina, “era berean, eskatzen duten gazteentzat kirol materialen mailegua ere egongo da. Hondar Kirolak asteartetik ostiralera egiten da, arratsaldeko lauretatik zortzietara, uztailean zehar. Hasiera data atzo izan zen eta datorren uztailaren 24 arte garatuko da”. Hilaren 24an amaituko da aurtengo programa, egun horretan eta aurrekoan egingo den boleibol txapelketa batekin.Fortuna Kirol Klubak eta Gipuzkoako Boleibol Federazioak lagunduko dute antolakuntzan eta “parte hartu nahi duten gazte eta koadrila guztiei irekia” egongo dela gaineratu du Sagarzazuk. Hori ez da izango aurtengo Hondar Kirolaken ekintza berezi bakarra: hilaren 10ean Hondarribiko HS2 elkarteak paddle stand up ekitaldia izango da, 16tik 19ra hondartza futboleko laugarren txapelketa egingo dute eta hilaren 17arako hondartza hockey erakustaldia antolatuko dute, Realeko emakumeen Belar Hockey taldeko jokalarien parte hartzearekin.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Atzotik abian da Hondar Kirolak egitasmoaren IX. ekitaldia

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak